[ندعوك للتسجيل في المنتدى أو التعريف بنفسك لمعاينة هذا الرابط]خل أرتاح منك أنا هم تعبيت------- عادتنه الطوايف من محبتنه
بقايا أمريض من جدواج--------- أكيد الناس حسدتنه
أشلون أرتاح يمته أرتاح ---------- وأنتي سباب بلوتنه
لاليل ونهار أنهيد ---------- عليج أتزيد حسرتنه
من كثر البجه والنوح ---------- جميع الناس ملتنه
الج حسره التهز الكون ---------- أشكبرها اعليج حسرتنه
نون أعليج ليل أنهار ---------- مثل صاروخ ونتنه
لا عدنه طمع وياج ---------- شريفه وياج غايتنه
يابيرغ شرف وأمجاد ---------- رمز أنتي لعزتنه
(وحده وماتصير أثنين) ---------- بقايا وياج جلمتنه
بقايا ليمت أتبينون ----------- وتهل يابقايا فرحتنه
بقايا ليمت أتبينون --------- وترد يابقايا ضحكتنه
شلي بالعمربجفاج ---------- بجفاكم سوده دنيتنه
بقايا أنتي العراق أنتي------- وأنتي الوطن وأمتنه
وأنت كل عشك بغداد ------- وأنت عشك بصرتنه
بقايا من جفاج اليوم ------- هجرنه أسنين بسمتنه
بقايا أجفاج أعظم نار ------- يالملكاج جنتنه
ياواحة عطر ياهيل -------- أنت بقايا وردتنه
بقايا ليمت أتبينون --------- وتطبون ديرتنه
بقايا ليمت أتبينون --------- وتهنه وياج كعدتنه
وأجمل يوم ذاك اليوم -------- البيه أتصير جمعتنه
نفرح بالعمر فديوم --------- وتحله وياج عشرتنه
سمتنه الخك بهواج ---------- المجنون سمتنه
بجفاكم لافكر يرتاح ---------- الدنيه عيب عجبتنه
بجفاكم كلشي ما يعجب -------- الدنيه عيب غرتنه
بقايا ليمت أتبينون --------- وتحله وياج لمتنه
أذتنه ليالي أجفاج ---------- كلش حيل أذتنه
خلتنه طريح أفراش --------- ليالي أجفاج خلتنه
جنه هيبة العربان --------- مهازل هسه سوتنه
ساعتنه أكربت بجفاج ------- أكربت والله ساعتنه
بقايا ليمت أتبينون ------- طالت جنها قصتنه
أحسب بيج طول الليل ------- وماتكضيش حسبتنه
أهنانه أجيبنه الحسبات ------ ولرض أمريكا ودتنه
فضحتنه محبتكم ------- بقايا أهواي فضحتنه
فضحتنه محبتكم -------- وفوك احبال شرتنه
بقايا من هواج الناس ----- كل الناس لامتنه
كالوا هاي مغروره ------- كنه هاي هيبتنه
رسايل منه تسوه الكون ------- رسايل طيب وصلتنه
عشكناها عشك مجنون -------- وهي أهواي عشكتنه
لا عاذل يغير حال ---------- النميمه عيب فرتنه
ندري بالحجي جذاب -------- العالم تحجي بالفتنه
شفنه بالحياة أشكال --------- وجثيره أفلام مرتنه
لو نسمع حجي العذال ------- من أسنين دارتنه
بقايا الناس فتانه -------- عليج أهواي وزتنه
بقايا ليمت أتبينون --------- وتكف يابقايا دمعتنه