اسئلة اتغث الواحد وطلع روحة

	العنوان:		منتديات بين النهرين :: الاستراحة :: منتدى الضحك والفرفشة	شارك

اسئلة اتغث الواحد وطلع روحة

	الموضوع

احمد الحداد

ألمهنة : اعلامي
الجنسية : عراقي

اسئلة اتغث الواحد وطلع روحة

الأربعاء 14 يوليو 2010 - 15:51

مرحبا شباب

اليوم جبتلكم اسئلة تدق الواحد دق

إنت نايم على جربايتك، ومطفّي الضوة، ومتغطي بالبطانية، يجي واحد من أهلك ويفتح باب غرفتك
ويگلك:
'هاااااااا ؟؟ !! شنو نايم ؟
؟'
**** لا والله دا ارگص وأغنّي.. بس إنت دتتخيل آني نايم

معزومين يم جماعة، ووصلتوا.. دگيتوا الباب.. يفتحلكم واحد من أهل البيت وراسا
يگوللكم:
'ها..جيتوا ؟؟'

***لا والله بعدنه على الطريق.. بعد نص ساعة نوصل لطويريج.. إشوية إزدحام

لابس هدومك الحلوة، ومتعطّر، والجل على شعرك يخبّل، وبيدك ميدالية مال مفاتيح السيارة (إذا عندك سيارة)... تجي أمّك
وإتكول:
'ها إبني.. طالع ؟؟'؟؟؟

*** لا والله يُوم.. دا أطلع للسطح.. وأعدّل الدش مال الستلايت..

لازم الكتاب لو الملزمة، وگاعد دتقرة لأن باجر عندك إمتحان، وناثر الكتب حواليك والأوراق مطشّرة بكل مكان.. يطب أبوك
ويگلك:
'ها إبني.. دتقره ؟؟'

*** لا والله يابة.. دا أبدّل الدهن مال السيارة ودا أصلّح الكابريتر.

توّك لازم السماعة مال التلفون واتريد إتخابر صديقك، وبديت إدّك بالأرقام.. تجي أمك
وتسألك:
' شنو دتخابر'

*** لا والله.. دا أسوي زلاطة.. بس السچينة عمية ومدتنگص الطماطة وياية

واحد يأشّر لتكسي.. التكسي يوكفله..
يگلّه للسايق:
'فارغ ؟؟'

***لا والله عندي أربع خوط مال مدارس لازم أجيبها، وأريد اروح أتسوّك قبلها، واشتري لحم، وأشتري ركيّة، وأدفع قائمة الكهرباء.

راكب نفرات بكيّا.. إطلِّع (ربع دينار) وتنطيها للكدامك.. الكدامك
يسألك:
'واحد عيوني ؟؟'

***لا عيوني.. 20 واحد ورجعلي الباقي

إتريد تنزل من الكيّا.. تگولّه للسايق.. على اليمنة بلية زحمة..
السايق يسألك:
'شنو.. إتريد تنزل ؟؟'

*ا** لا والله .. دا أجرب صوتي... أشوفه حلو لو محلو