قصة السندريلا العراقيه

	العنوان:		منتديات بين النهرين :: الاستراحة :: منتدى الضحك والفرفشة	شارك

قصة السندريلا العراقيه

	الموضوع

شمس بغداد

ألمهنة : طالبه متوسطه
الجنسية : عراقيه

قصة السندريلا العراقيه

الثلاثاء 16 مارس 2010 - 2:08

قصه السندريلا العراقيه

كان ياما كان في عتيك الزمان
جان اكو بنية
اسمها سندريلا خوش ابنية اصيلة و علمودها غنى حسام الرسام الاغنية مال العكربة
,,,المهم جان عدها مرت اب كلش خبيثة
و ابوها خطية يبيع قوايش مبردات حجم 1100 ومرات يبيع
شخاط فلّ بس هو خوش زلمه من اهل الاول ... و جانو الكل سايكين على سندرلا خطية
روحي سوي الجوزة مال المولد فصلت ,,,
روحي اوكفي سرة على الغاز,,,
روحي لابو المحل ابراس الفرع اشتري شحاطات لخواتج
(اللي همة جانو 3 خوات بس هم خبيثات للهامة
),,,
روحي شلعي الشتايكر مال السطح و رجعية مرة لخ,,
روحي جيبي لفات فلافل مشي,,
روحي بدلي الدهن مال المولدة
...
و هاي خطية جانت كلش
حبااابة و تروح ولا تفتح حلكها بس من جواها جان التقسيم مشتغل
المهم,,,,,الى أن يوم من الايام
جانت دا تصعد ماي بجليكان ابو ال 20 الماي ضعيف و الماطور ما يصعد
لان ماكو كهرباء لكت بالطرمة فانوس بس شنوو مزنجر و عتيك عبالك جان
بدوائر الدولة و تحوسم جتي عليه فركتة و كرررب كام يطلع دخان سندريلا
انرعصت و رجعت خطوتين للخلف بسبب
المفاجأة
شنو هال دخان هذا ؟ الدخان شوية شوية اتحول الى جني
لابس دريس مال ا ريال مدريد و بوتين اديداز وسوار ذهب و حاط معطر
freedom for men
و كللها:-
-شبيك لبيك عبدك بين ايديك انا الجني عادل من حي الجامعه شتريدين اسويلج بس عالسريع لأن ماما دكتلي مسكول لازم ارجع
كالتله
-عمو جني اريد كهرباء وطنيه 24 ساعة ممكن؟
-ولج بابا هوة اني ساحب واير 5 امبير من مولد للفانوس
شلون اجيبلج وطنيه 24 ساعة؟ شنو جني لو وزير الكهرباء؟
-زين عمو عمو اريد قنينة مال غاز متروسة لأن معوزين كلش .....
-ولج عمو شنو هال حجي؟ ولج انتي شكد فكرية... اكو
واحد يطلب من جني قنينة مال غاز؟ شايفتني رابط الفانوس عال حصان؟
-عمو عمو لعد شتكدر تسويلي؟
-باعي عمو انتي
بعدج اصغيرة و محرومة و الامير راح يسوي حفلة و ادري عائلتج
راح تروح شنو رايج لو اخليج تروحين و تتونسين؟ احتمال تطلعين
ابصاية و صرماية لأن الشرقية هم دا تصور هناك حفلة طاكة
- زين شلون اروح عمو؟نفرات لو كيا؟
-بابة معليج هسة غمضي عينج....... سندرلا غمضت عينها (و من الغريب يا جماعة
انه اول ما غمضت عينها ما كامت اتشوف و هذا الشي محد لكالة
تفسير لي هسة ) و كررررب شافت سندرللا نفسها لابسة تنورة
كصيرة و بدي و حذاء مفتوح يعني طلعت حااتة مو طبيعيه
و كللها الحلفة اقصد الحفلة تخلص بال 8 و نص
علمود منع التجوال و كل هاي الهدوم راح توكع و الحذاء و الميك اب و
كلشي راح يختفي اذا عبرت ال 8 و نص و احتمال تنعلسين بالطريق
-حاضر عمو شكرااااااااااااااااااااااا(هاي شكرا الطويلة مال الزعاطيط)
وصلت سندرللا البيت الامير جان مسوي حفلة
لان طلع 77 بالسادس راح يروح كلية اهلية احتمال او طب بيطري بعد ما اعرف
و الحفلة جان بيها نجود و سمراء و ساجدة عبيد(كلة هجع و عالكة) و
و الامير شاد الرباط علة راسة و مقندل و
و ردح لليافوخ و فجأة الامير صاد سندريلا و عجبته و كابلها
جتف ساعتين و ساندرللا نست روحها و نست الكراب و السراوات و
البهذلة و نزلت ردح الى ان صارت 8 و نص ......واللهّّّّ انلاصت
اتذكرت الوصية مال رامي الجني و كالت لازم اشطح و ركضتلك عال
سريع جنها برازيلي هس توها مجفتة و الامير وراها
:
-وج تعاااي شبيج تخبلتي؟مو دا احاجيج
؟؟؟ وين امولية ؟؟؟ فضيلة(هلكد ما سكران نسة اسمها)
المهم ركضت سندريلا و كررب وكع الحذاء مالتها بلا ما تدري
جان الامير يشيل الحذاء و لزمة و ضل صافن عالعالم اللي
انتبهوا عال لقطة و كامو ايباوعون عليه الامير بقة شايل الحذاء و
مصدوم و صورة سندرللا
الحلوة ببالة,,, الحفلة توقفت طبعا و العالم سكتت من المفاجأة
جان يباوع الامير عالعالم ....صنطة.......
جان يكول للناس :

الشركة العامة للصناعات الجلدية - فخر الصناعة الوطنية العراقية
خبرة وتميز في مجال المصنوعات الجلدية من الاحذية والحقائب بارقى المواد

ودمتم سالمييييين

قصة السندريلا العراقيه 748833

لؤلؤة الفرات

ألمهنة : طــالبه جامــعيـه
الجنسية : بـغداديـه لـلأبـد
الاوسمة

رد

الخميس 18 مارس 2010 - 19:54

روحي سوي الجوزة مال المولد فصلت ,,,
روحي اوكفي سرة على الغاز,,,
روحي لابو المحل ابراس الفرع اشتري شحاطات لخواتج
(اللي همة جانو 3 خوات بس هم خبيثات للهامة
),,,
روحي شلعي الشتايكر مال السطح و رجعية مرة لخ,,
روحي جيبي لفات فلافل مشي,,
روحي بدلي الدهن مال المولدة

هههههههههههههههههههههههههههههههههههههههههههههههههههههههههههههه
خخخخخخخخخههههههههههههههههههههههههه
هههههههههههههه يابويه ههههههههههه والله سايكَين عليهه سوكَـ الحمار حشاكم

ههههههههههههههههههههههه
عاشت ايدج حبيبتي ههههه

امير العشاق