[ندعوك للتسجيل في المنتدى أو التعريف بنفسك لمعاينة هذا الرابط]

هاك الكلب رايح اخذه وياكومن ترجع بذاك اليوم رجعه



ما يوجعني يمكن لمن تروح
بس متأكد انه الراح اوجعه



شكد يبجي عليك ونزل ادموع
ولا حسيت حقك ما تسمعه



بس اتمنه منك وكت الفراك
تجبر خاطره تنزله دمعه



اموتن اني اذا بس رايد تروح
شلون تكول اروح بغير رجعه



ولا تحجيلي عن الشوك وتروح
لتزيد المواجع بيه لتزيد



هيه الكاع من تشتاك للماي


بوجه الكاع تطلعلك تجاعيد



ينوح البلبل البلقفص مسجون
وعله نوحه الغشيم يكول تغريد



تره الفاكد عزيز بوحشة الليل
حته العيد لو مر يجرحه العيد



ما ريدن فرح لو مر بلياك
شريد ومني هو الفرح شيريد



يفيد الخيط صح للجفه مجروح
بس الخيط للمكطوع شيفيد



اخجل من يمر طاريك عالروح
ما احسبهه جي حسيتك بعيد



بس الجيب يخجل ساعة العوز
واحسه هواي يكره مدة الايد



وأنه المشتاك جيتك من يجي الليل
مثل شوك المضايف للاجاويد