هلاوي >> شلونكم اليوم جبتلكم موضوع يوم سومسوم في لعطله

1..اول شي من يكعد من نوم يكعد واستغفر الله شكله مو طبيعي ولفراش معبالك نايم بيه عبالك لاعب كره سله بيه من كثر لحركه ويكعد لشعر غابات الامزون ومخربص ومتعرف ساساه من ر اسه ادوخ بيه
لعيون طالعات فد 30 سانتي ليكدام ولغرفه بين قوسين سوك هرج خبيصه ولعباس نفس بكل معنا لكلمه

2..فتر الفطور عند الاخ يكعد بس يذب على وجهه ماي ماواصله اختراع فرشاه ومعجون الاسنان ياللهول ماهذه
يكعد لشعر على نفس لمظهر تكعد قباله اخته خطيه شويه وتكوم لنو متتحمل المنظر ختيه تبعاًََ يكعد يسوي كارثه بريوك جاي وحليب ولجبن ولبيض كله سويه بنفس لحلك يعني كل لكمه يقذفه بحلكه فد 3 سنتمرات يفتح حلكه يخلص طك مفخخه على لسفره يكوم ويمسح ايده با الارض او بملابسه بدون تعليق لنو اني بس حجيت لعبت نفسي الله يساعد اهلك

3..هنا يرجع للقصر الشوق مالته وهو لغرفه يدخل طبعاًَ يتعثر با لملابس يدور على قميص نظيف ماكو كله وصخه هنا يصيح على اخته فلانــــــــــــــــــــــــــــــــه ختيه تجي تركض يكله قبر ليش اهدومي وصخه حتى ميحجي با احترام عبالك شغالته با لتدوير لدقيق هماتين مالكه ملابس نظيفه راح لغرفه اخوه لكه ملابس بيه خير لمهم لبس وطلع يرادله هلهوله اذا انت هيج نضيف اعتني با مظهرك يابه مو تبيعي وقبل لا يطلع اطه الاوامر لماما ولاخت اريد تشريب على الغده وتمن ويابسه لنو اسم الله ميشبع

3...بره بشارع يتصل على لربع لشله تعبانه شبااااااااااااب خلي نطلع يطلعون فره فره وين مكان بيه بنات تلكاهم وختيه كلساع محصله رزاله من بنيه ورقمه ماظل شارع مانترس بيه ختيه لبنات على يا شكل يتعرفن تتعرف على رجال حارس لمدرسه مالته الي عده 18 طفل اشرف اله من اخينا

4...لمغرب يروح لبيت لربع ودك ورق وشطرنج ودومنه وهو خلص فلوس وكلشي ميعرف يلعب فشلنا وهنا اني واني واني تره كله لبــــــــــــــــــــــــك مو عبالكم

5..لعشه باجله وبيض كلي نص كيلو ياكل باجله و15 بيضه وفد 19 صمونه 14 خبزه يله يشبع
واصور وزنه هسه وصل ل150

6..لنت الاخ يجي على لنت هلو شباب هلو بنوتات اني ليوم رحت لنادي لرياضه ورحت سويت شوبنك مصل متعرفون اني ولد انيق اي اي يا ما تحت سواهي دواهي انيق اسم الله عليك المهم يجي يهنبل علينا تهنبل
اني في هاي لحاله صير بيا اهستريا منه

7 ...ينعس لولد لرقيق فا ياخذله نص ساعه غفه على لكيبورد نوب تقريباًَ يفز لساعه 2 ونص يروح يذب قفز على لسرير ويغوص با لملابس وينام


وهاي يوم من يوميات الاخ سومسور
تحياتي