[center][center]ابوذيه للشاعر نائل المظفر
اكوم اجلالاً لحسنك واقف لك
واسجل كلبي يا خلي وقف لك
وحطك بيه واقفلنه وقفلك
وطب بصدري واقفلكم عليه
الك ضيم واسئ بروحي والك ثار
وعليك من القهر كلبي ولك ثار
اذا ثار الك عندي ولك ثار
اذن عشرتنه صارت طائفيه
عيت ما تجد للسير بكراي
كريت وما لحكت الضعن بكراي
حفرت البير تالي طحت بكراي
صرت عجبه المثل ينضرب بيه
قدر مكتوب حبك وانت قسمة
الواحد مالة ناتج من تقسمة
لون بسيوف كلبي من تقسمة
دشوف معزتك شنو مسوية بيه
دمعتي اربع مناشف منشفته
شفته وخذت روحي من شفته
ولزمته وخذت مصه من شفته
بتت وصبحت شفافي نديه
حبيبي ارفع رصيدك من هوانه
شربح والله بحياته من هوانه
شتفرق منهو انته ومنهوانه
جن روحين وجتمعن سويه
بهجرك صفه بيتي دار ميات
وعندي من القصر والدار ميات
حبيبي شكثر ادزلك دارميات
ماشفت منك غير ابوذيه
اخوك الحضر بمصابك ونخواك
وكلك هذا انه دونك وانه اخواك
عدوك لو حجه وكلك وين اخواك
شتريد اتكول يالمالك خويه
رماني الدهر ونصبني بجالي
وحتى البلمهد يرضع بجالي
اذا شجره اصبحت انته بجالي
انه الجالي ومرد الروج بيه
عتب بين اخ واخوه..
هدلــــه
ربك لليريده باب هدلــــــه
وانه دشداشتي امن الزيج هدله
الجلب لو شاف اخوه انوله هدله
وانه اخواني اصبحوا عدوان ليه
يصاحب لاتظن مسرور بعداك
وعسى سم الزهر يندار بعداك
شيطفي الكلب من نار بعدك
يطفيها الوكت من ترد ليه
صرت سمجة عليمن جاى شـراد
ارد بالكلب لاكن حيف شـراد
تدرى بعشرتى وياك شـــراد
صبر ايوب ما يلحك علــية
التفت ليه بسهم عينه رماني
متت جن من جبل عالي رماني
حلو وفوك القهر لابس رماني
شفته وطحنه انه وروحي سويه
*-*-*-*-*-*-*-*-*-*
ياترف نعجر ولا نكدر_ نصف بيك
وربك بالحسن كلش_ نصف بيك
نص بيه صفه كلبي و_ نصف بيك
ضل يون عليك الباقي بيه
احبه وما احب واحد بدالة
وياذنب البدة مني وبدالة
الك منصوب بكليبي بدالة
خطك على النبض يشتغل بيه
يروحي بطلي المعاشر وعودي
سباني ونحل اعظامي وعودي
اني الماخنت مرة وعودي
عجب ليش الحبيب يخون بيه
علي كالو شمالك بستغني
من الموال بسك بسته غني
كافي بعد اسكت بس تغني
انه انجنيت مايدرون بيه
تره المكتوب يسمر موبدينه
وعليكم دمع صافي موبدينه
تكول احنه انتهينه موبدينه
ونهايتنه غفل صارت سويه
**** **** **** ****
ذهب كالو عليك شلون فضه
وكلبك يالحلو وياي فضه
حجي العذال لا تطريه فضه
وعوف الكال والكالو عليه
خوي وصاحب وزين وياي ميسور
شجاعه وطيب رغم الحال ميسور
لون تنظر لوضع الناس ما يسر
هجر للدين بفعالن رديه
عجيبة تريد تنساني وانة اسلاك
اظنك لاگي من غيري ونس لك
أريد اعرف شنو اصلك ونسلك
وشنو انتة يبو اطباع الردية
شمالك يا ضعن بهواي شتيت
انا شمالي و اهمن بيك شتيت
وك ان جان انت بقميص الصيف شتيت
لك انا مصلخ شتاك المر علية
عليج الروح راحت من يردها
وكيحه همومي صارت من يردها
خطيه الروح ملت من يردها
لآن بس الصبر لبس العليــــه
دهر ويامه تعصر بس سم الهه
وجفة والموت صدك بس املهه
شتظن روحي بغيابك بس املهه
أحز شرياني وأرميهه بهبية
يامن بالكلب والروح حليت
اجرعت مر الصبر وهواي حليت
الك جم مشكله ياحلو حليت
وهواك المشكله الصعبت عليه
صحبتك رغم كل عاذل نبيه
وكلبي شما صفن جرسك نبيه
صرت مذلول ومجاور نبيه
وحميد القيسي يدلل عليه
كلبي مالعب غيرة لعابه
واحس بي شفة لامراضي لعابة
سبحانة الصوره ربي لعابة
ونفخ بي روح حتة يعم علية
يمن وجهك بنص الليل لالة
شنوامك بالنساوة اشتهت لالة
من اكلب بيك ليش تكول لالة
خايف تموع ابين ادية
شد وياي دهري وجمع حلفه
حتى الراد يرحم كام حلفه
جنت صاج وصرت ياحيف حلفه
كبرت ومابعد تنفع قضيه
للشاعر فايق الكاطع حسن..
دهري اليوم حشدهن سرايه
سرن بالروح واتنطر سرايه
هو الشيب من يعلك سرايه
رفع اعلان حتما للمنيه
**** **** ****
حاير واطلب الدربي دلاله
وكتي بنار خلاني دلاله
يربي اشلون مرمرني دلاله
تهت وانه الدليل اشلون بيه
سواطير النوايب ثارمني
ويريد الوكت ياخذ ثارمني
حبيبي الصوج كله ثارمني
بريء انت واذب الصوج بية
هذه الابوذية سمعتهت من عطا السعيدي..
دردن ياسنين صباي دردان
ويساجي الكاس دير الكاس دردان
حرف سين اصبحت بحلوك دردان
وتخيل باللفظ شيصير بية
**** **** ****
وهذه للشاعر محمد الغريب..
يلمسوبط يمن تسحر عناباك
كلبي ماعنة بغيرك عناباك
رواية تكول عن جدك عنااباك
حور العين تاخذلك تحية
انخاك
أريد ارجع على العشرى و انخاك
لان دم الوصل واحد و انا اخاك
ادري الوكت هد حيلك ونخاك
لاكن تدري وكتي شسوه بيه
قرص نعناع خدك وانت هيله
الحسن بس لجنابك وانت هيله
تراب اللحد بيدك وانت هيله
ويظل اسمك حلو وغالي عليه
سلطه وجاه الك يمي ولك مال
وگلبي ماعشگ غيرك ولك مال
ألله يساعد الراسب والاكمال
والناجح ألف رحمه على ابيه .
الزمان شكال لبنادم يراوي
اخذ مني قصص واكتب يراوي
انا الربيتهم طلعو يراوي
كبرو وتعلمو عضات بيه
جميل وصورك ربك من العين
واخاف عليك كل خوفي من العين
وحياتك لو غبت عني من العن
اهلك والومن واهلي سويه
اجيلك عمـر يسـمر ماتجيلي
وثياب الحزن ضاكت ماتجيلي
كضت كل الرفاكه ومات جيلي
وبقيت انت وتشح وصلك عليه...
تصدك لانة من وشرك وصنفاك
وتأدب عاد وي غيري وصنفاك
آنة الصعدك باية وصنفاك
شلون تبيع مالاتي علية
وحق طه ونبي عيسى وصالح
بغرامك اني مخلص وصالح
لشوكت تظل تتزعل وصالح
شمحلاته العشك لو نفرح سويه.
حبيبي المانشد عني ولا سال
ودمعي لما جرى لغيره ولا سال
اخبرك لا مرض بية ولا سل
سوى هجرك يخايب عم علية
تغيب الروح بغيابك واردها
كتاب جفاك من عندك وردها
روحي بفركتك يذبل وردها
شمس انت وتنور الدرب اليه
تمايل شوگي مو مطرب ترابه
رفيف و يِحِن لبلادة وترابة
لأَن حبي ابحضِن دجلة ترّبّة
وعلى انغام الوَتَر وَّن ابخفّـِية
تگدر لاني من وشرك وصنفاك
وتادب من تمازحني وصنفاك
العتب عالصعدك باية وصنفاك
اشلون اتبيع مالاتي علية
ياصاح مرمر كليبي..بًعدكم
وسمج للحوت صرنا..بعدكم
متى تعودون يحبابي..بعد؟ كم
اتاني وصرت للشامت خطيه
مثل عباس مايحصل وجوده
ساكي الخيم بجفوفه وجوده
ركيزة بالحرب ساعة وجوده
تصيح الغوث منه الغاضرية
[/center]
[/center]
ابوذيه للشاعر نائل المظفر 
ابوذيه للشاعر نائل المظفر
